Мадриднинг “Реал” клуби Леверкузеннинг “Байер” клуби ярим ҳимоячиси Флориан Вирцни фаол кузатишда давом этмоқда. Relevo.com хабарига кўра, "қироллик клуби" немис ярим ҳимоячисининг иқтидорига қойил қолади, бироқ муаммо шундаки, ҳозирда футболчи учун таркибда бўш жой йўқ.
Олдинроқ Хаби Алонсо келаси мавсумда "Баер" бош мураббийи сифатида қолиши маълум бўлганди. Бу сабаб Вирцнинг Премьер-лига гигантларидан келган таклифларни эътиборсиз қолдириб, Леверкузенда қолишига олиб келиши мумкин.
Катта эҳтимол билан "Реал" келажакда ярим ҳимоячининг трансфери учун кураш олиб боради. 20 ёшли Вирц жорий мавсум Германия Бундеслигасида 7 та гол урди ва 10 та голли узатмани амалга оширди.
