"Byornli" bosh murabbiyi Vensan Kompani Angliya futbol assosiasiyasi (FA) tomonidan "Chelsi"ga qarshi Angliya Premyer-ligasining 30-turi doirasidagi so‘nggi o‘yinida (2:2) nomaqbul xatti-harakatlarda ayblanib, jazolandi.

"Taxminan 40-daqiqada bosh murabbiyning xatti-harakatlari o‘yin hakamiga nisbatan noo‘rin harakatlar bilan yakunlandi. Bu bosh hakamning daxlsizligini shubha ostiga qo‘ygan deb da’vo qilinmoqda", - deyiladi FA bayonotida.

Lorens Assinyon Mixail Mudrikga nisbatan qo‘pollik ishlatgach, hakam penalti belgiladi. "Byornli" futbolchisi ikkinchi sariq kartochka olib, maydondan chetlatildi, keyin esa bu voqeaga keskin munosabat bildirgan Kompani qizil kartochka oldi.

O‘yindan so‘ng murabbiy haqoratlar uchun uzr so‘radi, ammo "APLning joriy mavsumida hakamlar yetarlicha yaxshi ishlamayapti" deb ta’kidladi.