"Бёрнли" бош мураббийи Венсан Компани Англия футбол ассоциацияси (ФА) томонидан "Челси"га қарши Англия Премьер-лигасининг 30-тури доирасидаги сўнгги ўйинида (2:2) номақбул хатти-ҳаракатларда айбланиб, жазоланди.
"Тахминан 40-дақиқада бош мураббийнинг хатти-ҳаракатлари ўйин ҳакамига нисбатан ноўрин ҳаракатлар билан якунланди. Бу бош ҳакамнинг дахлсизлигини шубҳа остига қўйган деб даъво қилинмоқда", - дейилади ФА баёнотида.
Лоренс Ассиньон Михаил Мудрикга нисбатан қўполлик ишлатгач, ҳакам пенальти белгилади. "Бёрнли" футболчиси иккинчи сариқ карточка олиб, майдондан четлатилди, кейин эса бу воқеага кескин муносабат билдирган Компани қизил карточка олди.
Ўйиндан сўнг мураббий ҳақоратлар учун узр сўради, аммо "АПЛнинг жорий мавсумида ҳакамлар етарлича яхши ишламаяпти" деб таъкидлади.
