Londonning "Arsenal" klubi bosh murabbiyi yozgi transfer oynasida jamoani tark etishi mumkin bo‘lgan himoyachi Tomas Partining kelajagi bilan bog‘liq vaziyat haqida gapirdi.
"Parti ketish haqida o‘ylayaptimi? U diqqatini hozirgi kunga qaratgani ma’qul, chunki biz katta sovrinlar uchun kurashyapmiz. Tomas bizning futbolchimiz, uning klub bilan shartnomasi tugashiga bir yil qoldi. U biz uchun o‘ynayotganidan juda xursandman", dedi Arteta matbuot anjumanida.
Avvalroq, Parti Turinning "Yuventus" klubiga o‘tishi mumkin edi. Bu mavsumda Tomas turli jarohatlar tufayli ko‘plab uchrashuvlarni o‘tkazib yubordi.
