Londonning "Arsenal" klubi Angliya chempionatining 32-turi doirasidagi safarda "Brayton"ni mag‘lub etdi. Mikel Arteta shogirdlari 3:0 hisobida g‘alaba qozonishdi.
Opta Sports nashri ma’lumotlariga ko‘ra, "kanonirlar" 2024 yilda Premyer-liganing birorta uchrashuvida ham peshqadamlikni qo‘ldan boy bermagan. London klubi yanvar oyidan beri 11 ta o‘yin o‘tkazdi. Jamoa 19 yil oldingi rekordini takrorlashga yaqin turibdi. O‘shanda "Arsenal" Premyer-ligada ketma-ket 12 o‘yinda peshqadamlikni qo‘ldan chiqarmagandi.
Kechagi muvaffaqiyat evaziga Arteta shogirdlari Angliya chempionati turnir jadvalida birinchi o‘ringa ko‘tarilishdi.
