Лондоннинг "Арсенал" клуби Англия чемпионатининг 32-тури доирасидаги сафарда "Брайтон"ни мағлуб этди. Микель Артета шогирдлари 3:0 ҳисобида ғалаба қозонишди.
Opta Sports нашри маълумотларига кўра, "канонирлар" 2024 йилда Премьер-лиганинг бирорта учрашувида ҳам пешқадамликни қўлдан бой бермаган. Лондон клуби январь ойидан бери 11 та ўйин ўтказди. Жамоа 19 йил олдинги рекордини такрорлашга яқин турибди. Ўшанда "Арсенал" Премьер-лигада кетма-кет 12 ўйинда пешқадамликни қўлдан чиқармаганди.
Кечаги муваффақият эвазига Артета шогирдлари Англия чемпионати турнир жадвалида биринчи ўринга кўтарилишди.
