Mayk Menyan "Milan" bilan shartnomasi uzaytirilsa, maoshini oshirishni so‘ramoqda.
La Gazette dello sport xabariga ko‘ra, darvozabon yiliga kamida 7 million yevro maosh olmoqchi, bu esa uni Rafael Leau bilan birga jamoaning eng ko‘p maosh oluvchi futbolchisiga aylantiradi. Fransiyalik futbolchi hozirda 3,2 million yevro maosh oladi va uning amaldagi shartnomasi 2026 yilning iyunida yakuniga yetadi.
Qayd etilishicha, Menyan bilan shartnomani uzaytirish bo‘yicha muzokaralar hali yakuniy bosqichga yetmagan, biroq kelishuvga erishish oson bo‘lmaydi. Klub ish haqi fondini nazorat qilish niyatida va Leauni "yagona istisno" sifatida ko‘rmoqda. Portugaliyalik vinger 5-6 million yevro maosh oladi, bu esa unga bonuslar bilan birga mavsumda 7 million maosh beradi.
Bundan tashqari, "Milan" o‘zini xavf ostiga qo‘yib, Menyanni erkin agent sifatida qo‘yib yuborishni istamaydi, xuddi avvalgi darvozabon Janluiji Donnarumma bilan bo‘lgani kabi.
Shu tariqa, kelishuvga erishilmasa, klub shu yozda darvozabonning transferi bo‘yicha takliflarni ko‘rib chiqishi mumkin. 28 yoshli darvozabonni sotib olishga da’vogarlardan biri "Bavariya" hisoblanadi.
