Myunxenning “Bavariya” klubi hujumchisi Serj Gnabri jamoasi Chempionlar ligasi chorak finalida Londonning “Arsenal” jamoasini mag‘lub etishga umid qilayotgani sababini aytib o‘tdi.
“Biz juda kuchlimiz. Shu boisdan ham yarim finalga yo‘l olishimiz kerak. "Arsenal"ga qarshi o‘yinlardagi muvaffaqiyat bizga oldinga katta turtki beradi. Biz bor e’tiborimizni g‘alaba qozonishga qaratganmiz", - deydi Gnabri.
Joriy mavsumda Serj turli jarohatlar tufayli ko‘plab uchrashuvlarni o‘tkazib yubordi. 28 yoshli hujumchi Bundesligada bor yo‘g‘i 9ta o‘yin o‘tkazib, 3ta gol va 1ta golli uzatmani amalga oshirdi.
