Karlo Anchelotti "Manchester Siti" bilan o‘yindan oldingi fikrlari bilan o‘rtoqlashdi.

Ertaga Madridning "Real" klubi Chempionlar ligasi 1/4 finali dastlabki o‘yinida "Manchester Siti"ni qabul qiladi.

"Eng yaxshi tarafimizni ko‘rsatish muhim, ruhiy jihat ham muhim. Maydonda jasorat va xarakter ko‘rsatishimiz kerak. Uchrashuvga tayyorgarlik ko‘rish uchun vaqtimiz bor edi, ishonchim komilki, biz bor kuchimizni ko‘rsatamiz.

Bu qiziqarli o‘yin bo‘ladi. Ikkala jamoa ham juda yuqori sifatga ega, ularning har biri o‘ziga xos xususiyatlarga ega, shuning uchun o‘yin taktik jihatdan juda chiroyli bo‘ladi.

Biz raqiblarimizdan ma’lum jihatlarda ustun ekanligimizga ishonamiz, ular esa bizdan boshqa jihatlarda ustunroq. 180 daqiqadan so‘ng kim keyingi bosqichga chiqishi aniq bo‘lgach, ustunlik ko‘rinadi."

O‘tgan mavsumda "Manchester Siti"dan uchralgan mag‘lubiyat haqida:

"Bizda jasorat va individual fazilatlar yetishmagandi. Bunday uchrashuvlarda bu juda muhim, ammo javob o‘yinida bizda bunday bo‘lmadi.

To‘p bilan o‘ynash uslubimiz o‘zgardi - bizda avval Benzema bor edi, hozir u yo‘q. Biz hujumda harakatchanroq bo‘lish orqali uning yo‘qligi bilan kurashdik. Bu ham muhim rol o‘ynaydi."

Uchrashuv uchun tarkib haqida:

"Futbolchilarga hech narsa demadim - ertaga hammasi hal bo‘ladi. Menimcha, hech qanday g‘ayrioddiy narsa bo‘lmaydi. Hech narsani o‘tkazib yubormaysiz, aniq", - dedi “Real” bosh murabbiyi.