Italiya chempionati 31-turining so‘nggi uchrashuvida Milanning “Inter” jamoasi “Udineze” ustidan irodali g‘alabaga erishib (2:1), chempionat jadvalidagi peshqadamligini mustahkamladi. Ushbu uchrashuvda g‘alaba golini 95-daqiqada Davide Frattezi kiritdi. O‘yindan so‘ng ushbu o‘yindagi g‘alaba goli muallifi o‘zining muvaffaqiyati haqida shunday dedi:
"Hozircha Skudetto haqida o‘ylamayapmiz, biz yana bir uchrashuvda g‘alaba qozondik va bu eng asosiysi. Mening golim yoqimli bo‘ldi, chunki u so‘nggi daqiqada urildi va undan oldin qiyin jang kechayotgandi", - deya Frattezi so‘zlarini keltiradi fcinter1908.it.
Italiya A seriyasining navbatdagi turida Milanning “Inter” klubi “Kalyari”ga qarshi maydonga tushadi.
