YECHLning 1/4 final dastlabki uchrashuvida "Arsenal" o‘z maydonida "Bavariya"ni qabul qiladi. Ushbu uchrashuvdan oldin o‘tkazilgan matbuot anjumanida "Bavariya" hujumchisi Leroy Sane o‘z fikrlari bilan o‘rtoqlashdi.
"Umid qilamanki, Xarri Keyn "Bavariya" tarkibida o‘z seriyasini davom ettiradi. U har doim bizga yordam beradi va ko‘p gollar uradi. Bu o‘yin u uchun o‘zgacha bo‘ladi va u buni intiqlik bilan kutmoqda. U bilan o‘ynash juda oson, chunki u juda aqlli futbolchi" - dedi Sane UYEFA rasmiy saytiga.
