"PSJ" – "Barselona" uchrashuvida xavfsizlik choralari kuchaytiriladi.

Bu haqda Fransiya ichki ishlar vaziri Jerald Darmanen ma’lum qildi. Qaror ISHIDning Chempionlar ligasi 1/4 finalida teraktlar uyushtirish tahdidi bilan bog‘liq holda qabul qilingan.

"PSJ" va "Barselona" o‘rtasidagi ilk uchrashuv ertaga "Park de Prens" stadionida bo‘lib o‘tadi.

"Ushbu o‘yin davomida maxsus himoya ta’minlanadi, ammo bu yagona joy bo‘lmaydi, chunki terrorchilar biz kutmagan joyda bir necha marta zarba berishi mumkin.

Biz boshqa narsalar qatorida, xususan, stadionlarga tegishli bayonotni ko‘rdik, bu yangilik emas. Biz 360 graduslik ko‘rinishga ega bo‘lishimiz va dushmanning xabariga aldanmasligimiz kerak, bu bizni kuchlarimizni bir joyga jamlashimizga va qolgan hamma narsani e’tiborsiz qoldirishga olib kelishi mumkin.

Ertalab men jamoatchilik bilan aloqalar bosh boshqarmasidan bizda mavjud bo‘lgan ma’lumotlarni chorak finalga mezbonlik qilayotgan boshqa davlatlarning razvedka xizmatlariga o‘tkazishni so‘radim.

Parijda bo‘lib o‘tadigan o‘yinga kelsak, polisiya xavfsizlik choralarini sezilarli darajada oshirdi", - dedi Darmanen.