"ПСЖ" – "Барселона" учрашувида хавфсизлик чоралари кучайтирилади.
Бу ҳақда Франция ички ишлар вазири Жеральд Дарманен маълум қилди. Қарор ИШИДнинг Чемпионлар лигаси 1/4 финалида терактлар уюштириш таҳдиди билан боғлиқ ҳолда қабул қилинган.
"ПСЖ" ва "Барселона" ўртасидаги илк учрашув эртага "Парк де Пренс" стадионида бўлиб ўтади.
"Ушбу ўйин давомида махсус ҳимоя таъминланади, аммо бу ягона жой бўлмайди, чунки террорчилар биз кутмаган жойда бир неча марта зарба бериши мумкин.
Биз бошқа нарсалар қаторида, хусусан, стадионларга тегишли баёнотни кўрдик, бу янгилик эмас. Биз 360 градуслик кўринишга эга бўлишимиз ва душманнинг хабарига алданмаслигимиз керак, бу бизни кучларимизни бир жойга жамлашимизга ва қолган ҳамма нарсани эътиборсиз қолдиришга олиб келиши мумкин.
Эрталаб мен жамоатчилик билан алоқалар бош бошқармасидан бизда мавжуд бўлган маълумотларни чорак финалга мезбонлик қилаётган бошқа давлатларнинг разведка хизматларига ўтказишни сўрадим.
Парижда бўлиб ўтадиган ўйинга келсак, полиция хавфсизлик чораларини сезиларли даражада оширди", - деди Дарманен.
