"Real" bosh murabbiyi Karlo Anchelotti, uning jamoasi "Manchester Siti"ga qarshi javob o‘yinida ham xuddi shunday rejaga amal qilishi kerak, deb hisoblaydi.
La Liga grandi turnirning amaldagi g‘olibi bilan durang o‘ynadi - 3:3. Javob o‘yini 17 aprel kuni "Etihad" stadionida bo‘lib o‘tadi.
"Bugun biz g‘alaba qozonishimiz mumkin edi, ammo mag‘lub bo‘lish tavakkaliga ham bordik. Durang - adolatli natija. Endi biz Manchesterda ham shunday o‘ynamoqchimiz. Keling, nima bo‘lishini ko‘ramiz", - dedi Anchelotti Madrid Zone bilan suhbatda.
O‘tgan yili "Real Madrid" birinchi o‘yindagi durangdan (1:1) so‘ng yarim final bosqichida "Manchester Siti"ga safar javob o‘yinida mag‘lub bo‘lgandi (0:4).
