"Barselona" bosh murabbiyi Xavi Ernandes mavsum oxirida jamoani tark etish haqidagi qarorini o‘zgartirishi mumkin. Mundo Deportivo xabariga ko‘ra, murabbiylar jamoasi yaxshi natijalar Xaviga ta’sir qilishi va uni qolishga ishontirishi mumkin deb hisoblaydi.
Eslatib o‘tamiz, Ernandes yanvar oyi oxirida yozda "Barselona"ni tark etishini e’lon qilgandi, ammo rahbariyat hozircha murabbiyning ketishini istamayapti.
Xavi faoliyatini yakunlashini e’lon qilganidan beri "Barselona" barcha musobaqalarda 12 ta o‘yinda mag‘lub bo‘lmagan. “Blaugrana” yaqinda Chempionlar ligasining birinchi chorak finalida “PSJ”ni mehmonda mag‘lub etdi (3:2).
