"Барселона" бош мураббийи Хави Эрнандес мавсум охирида жамоани тарк этиш ҳақидаги қарорини ўзгартириши мумкин. Mundo Deportivo хабарига кўра, мураббийлар жамоаси яхши натижалар Хавига таъсир қилиши ва уни қолишга ишонтириши мумкин деб ҳисоблайди.
Эслатиб ўтамиз, Эрнандес январ ойи охирида ёзда "Барселона"ни тарк этишини эълон қилганди, аммо раҳбарият ҳозирча мураббийнинг кетишини истамаяпти.
Хави фаолиятини якунлашини эълон қилганидан бери "Барселона" барча мусобақаларда 12 та ўйинда мағлуб бўлмаган. “Блауграна” яқинда Чемпионлар лигасининг биринчи чорак финалида “ПСЖ”ни меҳмонда мағлуб этди (3:2).
