Italiyada chempionatning 32-turi start oldi, “Lasio” “Salernitana”ni yirik hisobda mag‘lub etdi, biroq o‘yindan so‘ng ispaniyalik yarim himoyachi Luis Alberto mavsum yakunida jamoani tark etishi ma’lum bo‘ldi. Jurnalistlar “Lasio” ustozi Igor Tudordan bo‘lib o‘tgan voqeaga izoh berishni so‘rashdi. Uning aytishicha, bu Luis Albertoning shaxsiy ishi:
- Men bunday narsalarga izoh bermayman, bu klub ichida hal qilinayotgan masala. Bizda muhim o‘yinchilar ko‘p, garchi Luisning jamoa uchun qadrini inkor etmayman. Buni boshqa jamoa vakillari ham tasdiqlashadi", - deya Tudor so‘zlarini keltiradi Cittaceleste.it.
Luis Alberto 2016 yildan beri "Lasio"da o‘ynab kelmoqda.
