"Beshiktosh" bosh murabbiyi Fernandu Santushni iste’foga chiqarganini e’lon qildi.

Portugaliyalik mutaxassis shu yilning 7 yanvaridan buyon Istanbul jamoasini boshqarib kelayotgandi. Oxirgi beshta o‘yinda "Beshiktosh" uchta mag‘lubiyat alamini totib ko‘rdi va g‘alaba qozona olmagan. Jamoa boshqaruvidagi Santush uchun final o‘yini Turkiya chempionatining “Samsunspor” jamoasiga qarshi o‘z uyida bo‘lib, 1:1 hisobida yakunlandi.

Turkiya Superligasining 32-turidan so‘ng “Beshiktosh” turnir jadvalida to‘rtinchi o‘rinda, uchinchi o‘rindagi “Trabzonspor”dan 4 ochko ortda qolmoqda.