"Бешиктош" бош мураббийи Фернанду Сантушни истеъфога чиқарганини эълон қилди.
Португалиялик мутахассис шу йилнинг 7 январидан буён Истанбул жамоасини бошқариб келаётганди. Охирги бешта ўйинда "Бешиктош" учта мағлубият аламини тотиб кўрди ва ғалаба қозона олмаган. Жамоа бошқарувидаги Сантуш учун финал ўйини Туркия чемпионатининг “Самсунспор” жамоасига қарши ўз уйида бўлиб, 1:1 ҳисобида якунланди.
Туркия Суперлигасининг 32-туридан сўнг “Бешиктош” турнир жадвалида тўртинчи ўринда, учинчи ўриндаги “Трабзонспор”дан 4 очко ортда қолмоқда.
