"Aston Villa" darvozaboni Emiliano Martines "Arsenal" ustidan mehmonda o‘tkazilgan g‘alabadan so‘ng (2:0) avval o‘ynagan London klubi haqida fikr bildirdi.
"Arsenal"mi? Bu yerda 10-11 yil o‘ynadim, hali ham bu yerda do‘stlarim bor. Yoshligimda bu yerga kelib, yaxshi darvozabon bo‘lib ulg‘aydim. Men bu klubni doim yaxshi ko‘raman. Ular ikkinchi o‘rinni egallab, jiddiy yutuqlarga erishdilar. Ularda dunyoning eng yaxshi murabbiylaridan biri bor. Men Arteta bilan ishlaganman va u qanchalik yaxshi ekanini bilaman" - dedi Martines Sky Sports nashriga. Hozirda
"Aston Villa" APL turnir jadvalida to‘rtinchi o‘rinda, ya’ni Chempionlar Ligasi zonasida joylashgan.
