"Aston Villa" Premyer-liganing ushbu mavsumida "Arsenal"ni ikki marta mag‘lub etdi.

APLning 33-turida “Arsenal” o‘z maydonida “Aston Villa”ga imkoniyatni boy berdi (0:2). 16-turda “kanonirlar” birmingemlarga safarda imkoniyatni boy berishgandi (0:1).

Shu tariqa, Unai Emeri shogirdlari joriy chempionatda “kanonirlar”ni ikki marta mag‘lub etishga muvaffaq bo‘lgan yagona jamoa bo‘ldi.

Eslatib o‘tamiz, joriy mavsumda “Vest Xem” ham ikki bor “Arsenal”ni mag‘lub etgan bo‘lsa-da, bu g‘alabalardan biri Liga kubogida qayd etilgan. Chempionatda “Arsenal” birinchi davrada “bolg‘achilar”ga imkoniyatni boy bergan (0:2), ikkinchi o‘yinda raqibni mag‘lub etgan (6:0).

Unai Emeri 2018-2019 yillarda “Arsenal”ni boshqargan.

"Aston Villa" 63 ochko bilan Premyer-ligada 4-o‘rinda bormoqda. "Arsenal" 71 ochko bilan 2-o‘ringa tushib ketdi, "Siti"ni esa 73 ochko bilan oldinga o‘tkazib yubordi.