"Астон Вилла" Премьер-лиганинг ушбу мавсумида "Арсенал"ни икки марта мағлуб этди.

АПЛнинг 33-турида “Арсенал” ўз майдонида “Астон Вилла”га имкониятни бой берди (0:2). 16-турда “канонирлар” бирмингемларга сафарда имкониятни бой беришганди (0:1).

Шу тариқа, Унаи Эмери шогирдлари жорий чемпионатда “канонирлар”ни икки марта мағлуб этишга муваффақ бўлган ягона жамоа бўлди.

Эслатиб ўтамиз, жорий мавсумда “Вест Хэм” ҳам икки бор “Арсенал”ни мағлуб этган бўлса-да, бу ғалабалардан бири Лига кубогида қайд этилган. Чемпионатда “Арсенал” биринчи даврада “болғачилар”га имкониятни бой берган (0:2), иккинчи ўйинда рақибни мағлуб этган (6:0).

Унаи Эмери 2018-2019 йилларда “Арсенал”ни бошқарган.

"Астон Вилла" 63 очко билан Премьер-лигада 4-ўринда бормоқда. "Арсенал" 71 очко билан 2-ўринга тушиб кетди, "Сити"ни эса 73 очко билан олдинга ўтказиб юборди.