"Milan" bosh murabbiyi Stefano Pioli yaqin kunlarda ishini yo‘qotishi mumkin. Gazzetta dello Sport xabariga ko‘ra, agar jamoa Yevropa ligasida "Roma"ga yana yutqazsa, mutaxassis ishdan bo‘shatiladi.
Chorak finalning ilk o‘yinida “rossoneri”lar 0:1 hisobida mag‘lub bo‘lishdi. Javob uchrashuvi 18 aprel, payshanba kuni bo‘lib o‘tadi. Milan grandi yevrokuboklarda yarim finalga chiqsa, Pioli kelajagiga hech narsa tahdid solmaydi.
Stefano 2019 yildan beri “Milan” bosh murabbiyi hisoblanadi. 58 yoshli mutaxassis va “rossoneri” o‘rtasidagi amaldagi mehnat shartnomasi muddati 2025 yilning iyun oyi oxirigacha hisoblangan.
