"Милан" бош мураббийи Стефано Пиоли яқин кунларда ишини йўқотиши мумкин. Gazzetta dello Sport хабарига кўра, агар жамоа Европа лигасида "Рома"га яна ютқазса, мутахассис ишдан бўшатилади.
Чорак финалнинг илк ўйинида “россонери”лар 0:1 ҳисобида мағлуб бўлишди. Жавоб учрашуви 18 апрель, пайшанба куни бўлиб ўтади. Милан гранди еврокубокларда ярим финалга чиқса, Пиоли келажагига ҳеч нарса таҳдид солмайди.
Стефано 2019 йилдан бери “Милан” бош мураббийи ҳисобланади. 58 ёшли мутахассис ва “россонери” ўртасидаги амалдаги меҳнат шартномаси муддати 2025 йилнинг июн ойи охиригача ҳисобланган.
