Italiyaning "Bolonya" klubi va Shotlandiya terma jamoasi futbolchisi Lyuis Fergyuson Germaniyada bo‘lib o‘tadigan Yevropa chempionatiga bormaydi.
"Bolonya" klubining rasmiy ma’lumotlarga ko‘ra, futbolchi tizzasining oldingi xoch bo‘g‘imlaridan jarohat olgan. Jarohat shotlandiyalik futbolchining keyingi bir necha oy, taxminan to‘qqiz oy davomida futbol o‘ynashiga to‘sqinlik qiladi.
Yaqin kunlarda jarohatlangan futbolchi operasiya qilinadi va uzoq muddat tiklanishni boshlaydi. 24 yoshli futbolchi joriy mavsumda "Bolonya" safida barcha turnirlarda 34 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
