Kataloniyaning “Barselona” klubi bosh murabbiyi Xavi Ernandes “PSJ”dagi hamkasbi Luis Enrikening fikriga qo‘shilmadi.
Parijliklar ustozi avvalroq "Blaugrana" markaziy himoyachisi Ronald Arauxo qizil kartochka olmaganida ham jamoasi g‘alaba qozonishini aytgandi.
“Men Luis Enrikening fikriga qo‘shilmayman. Menimcha, Arauxo qizil kartochkasisiz "PSJ" g‘alaba qozonib, yarim finalga chiqmasdi. Bizda ikkita to‘p farqi bor edi, biz raqibga hujumda muammo tug‘dirdik va himoyada yaxshi harakat qildik", dedi Xavi matbuot anjumanida.
"PSJ" 4:1 hisobida g‘alaba qozondi va 2021 yildan beri ilk marta Chempionlar ligasi yarim finaliga yo‘llanmani qo‘lga kiritdi.