Каталониянинг “Барселона” клуби бош мураббийи Хави Эрнандес “ПСЖ”даги ҳамкасби Луис Энрикенинг фикрига қўшилмади.
Парижликлар устози аввалроқ "Блауграна" марказий ҳимоячиси Рональд Араухо қизил карточка олмаганида ҳам жамоаси ғалаба қозонишини айтганди.
“Мен Луис Энрикенинг фикрига қўшилмайман. Менимча, Араухо қизил карточкасисиз "ПСЖ" ғалаба қозониб, ярим финалга чиқмасди. Бизда иккита тўп фарқи бор эди, биз рақибга ҳужумда муаммо туғдирдик ва ҳимояда яхши ҳаракат қилдик", деди Хави матбуот анжуманида.
"ПСЖ" 4:1 ҳисобида ғалаба қозонди ва 2021 йилдан бери илк марта Чемпионлар лигаси ярим финалига йўлланмани қўлга киритди.
