Dam olish kunlarida Rim jamoasi himoyachisi Evan Ndika o‘zini yomon his qilgani uchun "Udineze" - "Roma" uchrashuvi to‘xtatildi. Ko‘pchilik futbolchining yuragi bilan bog‘liq muammolar borligidan qo‘rqishgan, lekin aslida u ko‘kragidan jarohat olgan. "Roma" bosh murabbiyi Daniyele de Rossi Ndikaning ahvoli haqida fikr bildirdi.

“U bilan hammasi yaxshi. Yiqilgani uning o‘pkasiga bosim qilgan va u o‘zini yomon his qilgan. Uchrashuvni tugatmaslik qarori? Bu bir ovozdan, oddiy qaror edi. Hech qaysi o‘yinchim o‘ynashni davom ettirishni istamadi, chunki yurak xurujiga shubha bor edi", - dedi de Rossi jurnalistlarga.