Yevrokuboklarning yarim finalida Germaniya va Italiyaning 3 tadan jamoasi o‘ynaydi.

Shu haftada Chempionlar ligasi, Yevropa ligasi va Konferensiyalar ligasi chorak finalining javob o‘yinlari bo‘lib o‘tdi va shundan so‘ng yarim finalning barcha ishtirokchilari aniqlandi.

Bu bosqichda Germaniya (Chempionlar ligasida "Bavariya" va "Borussiya Dortmund", Yevropa ligasida "Bayer") va Italiyaning ("Atalanta" va "Roma" Yevropa ligasida, "Fiorentina" Konferensiyalar ligasida) 3 tadan jamoasi ishtirok etadi.

Shuningdek, Fransiyadan 2 ta (Chempionlar ligasida "PSJ", Yevropa ligasida "Marsel") va Ispaniyadan (Chempionlar ligasida "Real Madrid"), Angliyadan (Konferensiyalar ligasida "Aston Villa"), Belgiyadan (Konferensiyalar ligasida "Bryugge") va Gresiyadan ("Olimpiakos" Konferensiyalar ligasi) 1 tadan vakillar yarim finallarda ishtirok etadi.