Leverkuzenning "Bayer" klubi markaziy himoyachisi Pyer Inkapye yozgi transfer oynasida ligani o‘zgartirishi mumkin. Jurnalist Ekrem Konurning yozishicha, agar uning uchun 60 million yevro taklif qilinsa, "Bayer" 22 yoshli ekvadorlik futbolchini qo‘yib yuborishi mumkin.

Qayd etilishicha, Inkapiye xizmatlariga "Tottenxem", "Arsenal", "Nyukasl", "Liverpul" va "Atletiko" klublari qiziqish bildirmoqda. Joriy mavsumda himoyachi barcha turnirlarni hisobga olgan holda 35 ta uchrashuvda qatnashib, bitta gol urdi va bitta golli uzatmani amalga oshirdi.

Inkapyening "Bayer" bilan shartnomasi 2027 yilgacha mo‘ljallangan.