"Manchester Yunayted" yakshanba kuni Angliya kubogi yarim finalida "Koventri Siti" bilan o‘ynaydi. “Qizil iblislar” boshqaruvchisi Erik ten Xag raqib haqida gapirdi.

“Biz ishni bajardik. Tayyormiz, chunki raqibni bilamiz – ularning qanday o‘ynashini, futbolchilarning individual fazilatlarini, murabbiyini bilamiz. U "Yunayted"ning sobiq futbolchisi, hujumchi va u ajoyib ish qilmoqda. Albatta, ular xavfli. Bu mantiqan to‘g‘ri, chunki ular yarim finalda.

Ular o‘tgan mavsumda Premer-ligaga kirishga yaqin edilar, shuning uchun ular ajoyib ish qilishmoqda. Ularni chorak finalda “Vulverxempton”ga qarshi o‘yinda ko‘rdik va jamoaning ruhiyati ajoyib edi. G‘alaba qozonish uchun biz eng yaxshi saviyamizda o‘ynashimiz kerak”, dedi Ten Xag matbuot anjumanida.