"Манчестер Юнайтед" якшанба куни Англия кубоги ярим финалида "Ковентри Сити" билан ўйнайди. “Қизил иблислар” бошқарувчиси Эрик тен Хаг рақиб ҳақида гапирди.
“Биз ишни бажардик. Тайёрмиз, чунки рақибни биламиз – уларнинг қандай ўйнашини, футболчиларнинг индивидуал фазилатларини, мураббийини биламиз. У "Юнайтед"нинг собиқ футболчиси, ҳужумчи ва у ажойиб иш қилмоқда. Албатта, улар хавфли. Бу мантиқан тўғри, чунки улар ярим финалда.
Улар ўтган мавсумда Премер-лигага киришга яқин эдилар, шунинг учун улар ажойиб иш қилишмоқда. Уларни чорак финалда “Вульверхемптон”га қарши ўйинда кўрдик ва жамоанинг руҳияти ажойиб эди. Ғалаба қозониш учун биз энг яхши савиямизда ўйнашимиз керак”, деди Тен Хаг матбуот анжуманида.
