"Arsenal" bosh murabbiyi Mikel Arteta kelasi mavsumdan boshlab Angliya kubogining barcha bosqichlarida takroriy o‘yinlar bekor qilinishiga izoh berdi.

"Men bu masala bo‘yicha har bir nuqtayi nazarni tushunaman. Lekin mening maqsadim futbolchilarimni himoya qilish. Ularning so‘nggi ikki mavsumda o‘tkazgan o‘yinlari va daqiqalariga qarasam, bu unchalik zo‘r emas deb o‘ylayman.

Shunday qilib, biz bu kalendarni qisqartirishimiz kerak edi. Bu Angliya kubogi bo‘lishi shart emas, lekin buni qilish kerak, taqvim og‘ir", dedi Arteta juma kungi matbuot anjumanida.