"Арсенал" бош мураббийи Микель Артета келаси мавсумдан бошлаб Англия кубогининг барча босқичларида такрорий ўйинлар бекор қилинишига изоҳ берди.
"Мен бу масала бўйича ҳар бир нуқтайи назарни тушунаман. Лекин менинг мақсадим футболчиларимни ҳимоя қилиш. Уларнинг сўнгги икки мавсумда ўтказган ўйинлари ва дақиқаларига қарасам, бу унчалик зўр эмас деб ўйлайман.
Шундай қилиб, биз бу календарни қисқартиришимиз керак эди. Бу Англия кубоги бўлиши шарт эмас, лекин буни қилиш керак, тақвим оғир", деди Артета жума кунги матбуот анжуманида.
