Nordic Sky - Shvesiya futbol agentligi bo‘lib, u futbolchilar va futbolga manfaatdor tomonlarga maslahat beradi. 1999 yilda tashkil topganidan beri kompaniya o‘z qadriyatlari va tamoyillariga doimo sodiq qolgan dunyoga mashhur agentlikka aylandi.

Nordic Skyda futbolchilar futbolda muvaffaqiyatli martabaga ega bo‘lishlari uchun zarur bo‘lgan yo‘l-yo‘riq va tajribaga ega bo‘lishadi.

Skandinaviyadagi eng tajribali agentlik

Nordic Sky nafaqat futbolchi uchun klub topishga yordam beradi, balki futbolchini butun futbolchilik faoliyati davomida boshqarib, rivojlantirishga tayyor.

Kompaniya nima qiladi:

O‘yinchilarga shartnoma bo‘yicha muzokaralar olib borish yoki boshqa klubga o‘tishda yordam beradi.
Kompaniyaning o‘z skautlar jamoasi mavjud bo‘lib, bu futbol klublariga yangi iqtidorlarni topish imkonini beradi.
Yuridik va moliyaviy maslahat.
Futbolchilarga individual tayyorgarlikda yordam beradi. Murabbiylar o‘z mijozlarining futbol maydonidagi harakatlarini kuzatib boradi va ularning rivojlanishiga yordam beradi. Jismoniy tayyorgarlikni yaxshilaydi va ovqatlanish rasioniga yordam beradi.

Albatta, kompaniya jismoniy qobiliyatlardan tashqari, aqliy komponentni ham unutmaydi. Zero, futbolchilarning aqliy qobiliyatlari, fikrlari va his-tuyg‘ularini kuzatish ham kerak bo‘ladi.

Nordic Sky shuningdek, futbolchilarning shaxsiy brendini rivojlantirishga yoki homiylar bilan foydali takliflarni izlashga yordam beradi.
Qiziqarli fakt. Kompaniyaning agentlaridan biri Vadim Demidovdir. Norvegiyalik inson asli rus millatiga mansub. U uch yoshida Norvegiyaga ko‘chib o‘tgan va futbolchi sifatida “Real Sosyedad”, “Ayntraxt Frankfurt”, “Anji” kabi klublarda to‘p tepgan.

"Ular boshidanoq menga ishonishdi va karyeramni shakllantirishda muhim rol o‘ynashdi" - dedi Villiot Svedberg – "Selta" yarim himoyachisi.

"Menga yaqin bo‘lgan ishonchli sport agentligiga ega bo‘lish menga o‘z ishimga yaxshi e’tibor qaratishimga imkon beradi: qattiq mashq qilish va futbol maydonida o‘zimni ko‘rsatish" - dedi yozda "Tottenxem"ga o‘tgan Lukas Bergvall.

Ayni paytda Nordic Sky bilan 241 nafar futbolchi hamkorlik qiladi, ulardan 106 nafari oliy ligada o‘ynaydi. Hozirda eng mashhur mijoz - Martin Edegor, ammo ilgari kompaniya Sebastyan Larsson, Kristoffer Olsson, Jon Gudetti va boshqa ko‘plab skandinaviya futbolchilari uchun katta futbolga yo‘l bergan.

Nordic Sky bilan bog‘liq barcha o‘yinchilarning qiymati 205,2 million yevroni tashkil etadi (summaning deyarli yarmi Edegorning qiymatidir).