"Real Madrid Kastilya" bosh murabbiyi Raul Madrid klubini tark etishga tayyor, deya xabar bermoqda Diario AS nashri.

46 yoshli ispaniyalik mutaxassisning fikricha, uning yoshlar futbolidagi vaqti "Real Madrid"ning yoshlar akademiyasida a’lo darajada ishlaganidan so‘ng tugadi va uning agenti takliflarni o‘rganishga tayyor.

Nashrning yozishicha, Raul bilan hamkorlikka "Sevilya" va nomi oshkor etilmagan bir nemis klubi qiziqish bildirmoqda. Murabbiy tashqaridan takliflarga ochiq, ammo uning katta orzusi "Los Blankos"ning birinchi jamoasini boshqarish bo‘lgan va shunday bo‘lib qoladi.

Raul "Kastilya"ni 2019 yilning iyulidan buyon boshqarib kelmoqda. Murabbiyning klub bilan shartnomasi 2024 yilning yozida yakuniga yetadi.

Uning qo‘l ostida jamoa 166 uchrashuv o‘tkazib, 67 marta g‘alaba qozongan, 51 marta durang o‘ynagan va 48 uchrashuvda mag‘lubiyat bilan yakunlangan.

Joriy mavsumda 33 o‘yindan so‘ng "Real Madrid Kastilya" 41 ochko bilan Ispaniya 3-divizioni turnir jadvalida 13-o‘rinda bormoqda.