"Реал Мадрид Кастилья" бош мураббийи Рауль Мадрид клубини тарк этишга тайёр, дея хабар бермоқда Diario AS нашри.
46 ёшли испаниялик мутахассиснинг фикрича, унинг ёшлар футболидаги вақти "Реал Мадрид"нинг ёшлар академиясида аъло даражада ишлаганидан сўнг тугади ва унинг агенти таклифларни ўрганишга тайёр.
Нашрнинг ёзишича, Рауль билан ҳамкорликка "Севилья" ва номи ошкор этилмаган бир немис клуби қизиқиш билдирмоқда. Мураббий ташқаридан таклифларга очиқ, аммо унинг катта орзуси "Лос Бланкос"нинг биринчи жамоасини бошқариш бўлган ва шундай бўлиб қолади.
Рауль "Кастилья"ни 2019 йилнинг июлидан буён бошқариб келмоқда. Мураббийнинг клуб билан шартномаси 2024 йилнинг ёзида якунига етади.
Унинг қўл остида жамоа 166 учрашув ўтказиб, 67 марта ғалаба қозонган, 51 марта дуранг ўйнаган ва 48 учрашувда мағлубият билан якунланган.
Жорий мавсумда 33 ўйиндан сўнг "Реал Мадрид Кастилья" 41 очко билан Испания 3-дивизиони турнир жадвалида 13-ўринда бормоқда.
