"Chelsi" bosh murabbiyi Maurisio Pochettino jamoa yetakchisi, hujumkor yarim himoyachi Koul Palmerning holati haqida fikr bildirdi. Avvalroq Palmer kasalligi tufayli mashg‘ulotlarni o‘tkazib yuborgani ma’lum bo‘lgandi.
"Ertaga ko‘ramiz. Ertaga ertalab uning holatiga baho berishimiz kerak, ammo bugun Palmer o‘ynay olishiga ishonmayman. Ertaga buni baholab, qaror qabul qilamiz. Agar u yaxshi bo‘lsa ham, u o‘ynashga tayyor bo‘lmasligi mumkin. Umid qilamanki, u tezroq qaytib keladi”, - dedi Pochettino matbuot anjumanida.
23 aprel, seshanba kuni “Chelsi” Angliya Premyer-ligasi doirasida “Arsenal”ga qarshi safarda o‘ynaydi.
