Xalqaro gimnastika federasiyasi sport gimnastikasi bo‘yicha Parij-2024 yozgi Olimpiya o‘yinlariga yo‘llanma olgan atletlar jadvalini yangiladi. Quvonarlisi, unga asosan delegasiyamiz hisobiga yana bir lisenzliya qo‘shildi.
2023-yil Belgiyaning Antverpen shahrida o‘tgan jahon chempionatining ko‘pkurash dasturida muvaffaqiyatli ishtirok etgan Habibullo Ergashev ham bo‘lajak Olimpiada ishtirokchilari qatoriga qo‘shildi.
Saralash musobaqalari yakunida fransiyalik atlet ham kvalifikasiyadan o‘tdi. Shu bois, mezbonlar uchun ajratilgan kvota jahon chempionati orqali yo‘llanma ololmagan sportchilar orasida eng yaxshi natija ko‘rsatib turgan Habibullo Ergashevga nasib etdi.
Shu tariqa, yigitlarimiz sport gimnastikasi bo‘yicha ilk bor Olimpiya o‘yinlariga ikkita yo‘llanmani qo‘lga kiritishmoqda.
