O‘tgan yozda Madridning «Real» klubi Luka Modrich bilan shartnomani uzaytirishdan bosh tortgan edi. Natijada yarim himoyachi erkin agentga aylandi va «Milan»ga ko‘chib o‘tdi. Hozirda u 40 yoshda bo‘lishiga qaramay, Italiyada ajoyib mavsumni o‘tkazmoqda.
Insayder Fabrisio Romanoning ma’lumotlariga ko‘ra, «qirollik klubi» xorvat bilan xayrlashganidan afsusda va jamoada uning yetakchilik hamda mahorat sifatlari juda yetishmayotgan deb hisoblaydi. «Qaymoqranglilar» rahbariyati xavbekning ketishini xato deb tan oldi.
Endi «Real» xuddi shunday tarix o‘ng qanot himoyachisi Daniel Karvaxal bilan takrorlanishidan qo‘rqmoqda. 34 yoshli ispaniyalik futbolchining shartnomasi joriy mavsum yakunida nihoyasiga yetadi. U endilikda asosiy tarkibning doimiy o‘yinchisi bo‘lmasa-da, kiyinish xonasida hamon muhim rol o‘ynashda davom etmoqda.
