"Napoli" hujumchisi Viktor Osimxen yozgi transfer oynasida klubi ni o‘zgartirishi mumkin. Jurnalist Ekrem Konurga ko‘ra, nigeriyalik uchun kurashda “PSJ” yetakchilik qilmoqda.

Manbaning qayd etishicha, “Arsenal” va “Chelsi” 25 yoshli Osimxen atrofidagi vaziyatni kuzatishda davom etmoqda.

Joriy mavsumda hujumchi barcha turnirlarda 28 ta uchrashuvda maydonga tushib, 15 ta gol urdi va 4 ta golli uzatmani amalga oshirdi.

Osimxenning neapolliklar klubi bilan tuzgan mehnat shartnomasi 2026 yilgacha mo‘ljallangan.