Bosh hakam Andrea Kolombo derbi yakunida “Milan” va “Inter”ning uch nafar futbolchisini maydondan chetlatdi.
A Seriyaning 33-turi o‘yininida “rossonerilar” himoyachisi Teo Ernandes “neradzurrilar” yarim himoyachisi Davide Frattezini qo‘pollik bilan orqadan turtib yuborgani, unga nisbatan qoidabuzarlikdan so‘ng to‘xtab qolgani sababli jamoalar futbolchilari o‘rtasida mojaro kelib chiqdi. Denzel Dyumfris yugurib kelib, fransuzni ko‘kragidan itarib yubordi, shundan so‘ng bir nechta o‘yinchilar janjallashdi.
Hakam Ernandes va Dyumfrisga qizil kartochka ko‘rsatdi.
Oradan bir necha daqiqa o‘tib, "Milan" vakili Davide Kalabriya burchakda qo‘li bilan Frattezining yuziga zarba berdi va u ham maydondan chetlatildi.
