Бош ҳакам Андреа Коломбо дерби якунида “Милан” ва “Интер”нинг уч нафар футболчисини майдондан четлатди.
А Сериянинг 33-тури ўйининида “россонерилар” ҳимоячиси Тео Эрнандес “нерадзуррилар” ярим ҳимоячиси Давиде Фраттезини қўполлик билан орқадан туртиб юборгани, унга нисбатан қоидабузарликдан сўнг тўхтаб қолгани сабабли жамоалар футболчилари ўртасида можаро келиб чиқди. Дензел Дюмфрис югуриб келиб, французни кўкрагидан итариб юборди, шундан сўнг бир нечта ўйинчилар жанжаллашди.
Ҳакам Эрнандес ва Дюмфрисга қизил карточка кўрсатди.
Орадан бир неча дақиқа ўтиб, "Милан" вакили Давиде Калабрия бурчакда қўли билан Фраттезининг юзига зарба берди ва у ҳам майдондан четлатилди.
