Oxirgi olti yil ichida olti xil murabbiy Italiya chempioniga aylanishdi.
Navbatdagi g‘olib “Inter” murabbiyi Simone Indzagi bo‘ldi.
2019 yilda A Seriyani Massimiliano Allegri (“Yuventus”), 2020 yilda Maurisio Sarri (“Yuventus”), 2021 yilda Antonio Konte (“Inter”), 2022 yilda Stefano Pioli (“Milan”), 2023 yilda – Luchano Spaletti (“Napoli”) qo‘lga kiritgandi.
E’tiborlisi, so‘nggi uch nafar mutaxassis (Indzagi, Spaletti va Pioli) o‘z faoliyatida ilk bor turnirda g‘alaba qozonishdi. Sarri uchun ham o‘sha chempionlik birinchisi bo‘ldi.
50 yildan ortiq vaqt ichida birinchi marta olti xil murabbiy olti yil ichida Skudettoni qo‘lga kiritdi. Bu oxirgi marta 1967 yildan 1972 yilgacha sodir bo‘lgan.
