Охирги олти йил ичида олти хил мураббий Италия чемпионига айланишди.

Навбатдаги ғолиб “Интер” мураббийи Симоне Индзаги бўлди.

2019 йилда А Серияни Массимилиано Аллегри (“Ювентус”), 2020 йилда Маурицио Сарри (“Ювентус”), 2021 йилда Антонио Конте (“Интер”), 2022 йилда Стефано Пиоли (“Милан”), 2023 йилда – Лучано Спалетти (“Наполи”) қўлга киритганди.

Эътиборлиси, сўнгги уч нафар мутахассис (Индзаги, Спалетти ва Пиоли) ўз фаолиятида илк бор турнирда ғалаба қозонишди. Сарри учун ҳам ўша чемпионлик биринчиси бўлди.

50 йилдан ортиқ вақт ичида биринчи марта олти хил мураббий олти йил ичида Скудеттони қўлга киритди. Бу охирги марта 1967 йилдан 1972 йилгача содир бўлган.