"Chelsi" bosh murabbiyi Maurisio Pochettino o‘z jamoasini Koul Palmersiz natijaga erisha olishini isbotlashga chaqirmoqda.
Seshanba kuni "ko‘klar" "Arsenal"ga qarshi bahs olib boradi va hujumkor yarim himoyachi - "Chelsi"ning eng yaxshi to‘purari va so‘zsiz yetakchisi Palmer bu o‘yinda ishtirok eta olmaydi.
“Bu uning jamoadoshlari va pozisiyadagi raqobatchilari uchun yaxshi sinov. Agar men ularning o‘rnida bo‘lganimda, Palmerga asosiy tarkibga kirish uchun raqobat taklif qilgan bo‘lardim", — deya Pochettinoning so‘zlarini keltiradi The Telegraph.
"Arsenal" - "Chelsi" uchrashuvi bugun Toshkent vaqti bilan 23:59da boshlanadi.
