Rossiya Premyer Ligasining “Mavsum kashfiyoti” sovriniga nomzodlar e’lon qilindi.

Nomzodlar orasida hozirda “SSKA” sharafini himoya qilayotgan Abbosbek Fayzullayev ham bor.

Jurnalist va blogerlar ushbu ro‘yxatdan 5 nafar futbolchini tanlab oladi, shundan so‘ng 2 may kuni start oladigan yakuniy ovoz berish jarayonida 3 nafar futbolchi nomzodi qoladi.

Abbosbek joriy mavsum “SSKA” safida barcha musobaqalarda 26 ta o‘yin o‘tkazib, 4 ta gol va 11 ta golli uzatmaga mualliflik qildi.

Eslatib o‘tamiz, Fayzullayev 2023 yilning avgust oyida “Paxtakor” safidan moskvaliklar tarkibiga borib qo‘shilgandi.