Londonning "Arsenal" klubi Premyer-liganing "katta oltiligi"dagi raqiblari bilan o‘yinlarda mag‘lubiyatsiz seriyasini uzaytirdi. Mikel Arteta shogirdlari “Chelsi”ga hech qanday imkoniyat qoldirmadi – 5:0.
Shu tariqa, “kanonirlar” joriy ligada “katta oltilik” vakillari bilan o‘tkazilgan sakkiz uchrashuvda birorta ham mag‘lubiyat alamini totib ko‘rishmadi.
“Arsenal” yaqinda mag‘lub bo‘lgan “Chelsi”dan tashqari, “Manchester Siti” (1:0), “Liverpul” (3:1) va “Manchester Yunayted” (3:1) ustidan o‘z uyida g‘alaba qozongan. "Liverpul" (1:1), "Chelsi' (2:2) va "Manchester Siti" (0:0) bilan safar o‘yinlarida, shuningdek, "Tottenxem" bilan uy derbisida (2:2) durang qayd etildi.
Mavsum tugaguniga qadar "Arsenal" yana ikki bor "katta oltilik" vakillariga qarshi o‘ynashi kerak bo‘ladi: 28 aprel kuni "kanonirlar" "Tottenxem"ga safar qilsa, 12 may kuni "Old Trafford"da "Manchester Yunayted" bilan uchrashadi.
