Лондоннинг "Арсенал" клуби Премьер-лиганинг "катта олтилиги"даги рақиблари билан ўйинларда мағлубиятсиз сериясини узайтирди. Микель Артета шогирдлари “Челси”га ҳеч қандай имконият қолдирмади – 5:0.
Шу тариқа, “канонирлар” жорий лигада “катта олтилик” вакиллари билан ўтказилган саккиз учрашувда бирорта ҳам мағлубият аламини тотиб кўришмади.
“Арсенал” яқинда мағлуб бўлган “Челси”дан ташқари, “Манчестер Сити” (1:0), “Ливерпуль” (3:1) ва “Манчестер Юнайтед” (3:1) устидан ўз уйида ғалаба қозонган. "Ливерпуль" (1:1), "Челси' (2:2) ва "Манчестер Сити" (0:0) билан сафар ўйинларида, шунингдек, "Тоттенхэм" билан уй дербисида (2:2) дуранг қайд этилди.
Мавсум тугагунига қадар "Арсенал" яна икки бор "катта олтилик" вакилларига қарши ўйнаши керак бўлади: 28 апрель куни "канонирлар" "Тоттенхэм"га сафар қилса, 12 май куни "Олд Траффорд"да "Манчестер Юнайтед" билан учрашади.
