Londonning “Chelsi” klubi yozda bosh murabbiyi Maurisio Pochettinoni iste’foga chiqarishi mumkin. Jurnalist Sami Mokbelning xabariga ko‘ra, klub argentinalik mutaxassis bilan xayrlashish g‘oyasini jiddiy o‘ylab ko‘rmoqda.
Manbaning xabar berishicha, “Chelsi”ning yangi bosh murabbiyi lavozimiga asosiy favorit rahbariyat anchadan beri kuzatib kelayotgan Ruben Amorimdir. Biroq Yurgen Kloppga o‘rinbosar qidirayotgan "Liverpul" ham portugaliyalikni taklif qilishga qiziqmoqda.
Eslatib o‘tamiz, Pochettino boshchiligidagi “Chelsi” endilikda Yevropa ligasiga chiqish uchun kurash olib bormoqda. Jamoa Premyer-ligada to‘qqizinchi o‘rinni egallab turibdi, ammo uni oltinchi o‘rindan atigi uch ochko ajratib turibdi.
